Шэсць журналістаў і адзін валанцёр — вынік закліку дапамагчы гарадзенскай сінагозе

На заклік габрэйскай абшчыны дапамагчы справіцца з наступствамі пажару адгукнуўся пакуль толькі адзін чалавек. Пацярпелая ад пажару гарадзенская харальная сінагога прыцягвае да сябе ўвагу пакуль толькі СМІ. Кіраўнік габрэйскай абшчыны ў Гродне Барыс Квяткоўскі на пытанне "Колькі чалавек прыйшло на дапамогу?" Адказаў: “Толькі адзін! І гэта пры тым, што мы пісалі аб’явы аб дапамозе, але пакуль вынік слабы… А вы ўжо шосты журналіст за ўвесь дзень”.



Па словах Барыса Квяткоўскага, на дадзены момант у храме праводзіцца аналіз наступстваў і падлічваецца ўчыненая полымем шкода. Разбіраюць завалы, адключана электраэнергія, рамантуюць кацельную. Сітуацыю ўскладняе надыходзячая зіма. “Галоўнае, каб не адбылося абвалаў будынка і не загінулі каштоўныя экспазіцыі і музейныя экспанаты”, – турбуецца кіраўнік абшчыны.
 

На пытанне пра тое, як кожны ахвотны можа дапамагчы, Барыс Квяткоўскі патлумачыў: “Проста прыходзіць у працоўным адзенні і дапамагаць. Бо ёсць што рабіць! Вельмі шмат працы! Асабліва па ліквідацыі тых завалаў, што ўтварыліся там, унутры”.
 

Нагадаем, што ў ноч на 27 лістапада ў Гродне загарэўся будынак вялікай харальный сінагогі – помніка архітэктуры XVI ст, пабудаванай у 1575-1578 гг. знакамітым італьянскім архітэктарам Санці Гучы. Гэта адна з самых старых сінагог у Беларусі, якая захавалася пасля другой сусветнай вайны, і буйнейшая ва Усходняй Еўропе. Абшчына звяртаецца да ўсіх неабыякавых людзей аказаць непасрэдную дапамогу ў разборы завалаў і ліквідацыі наступстваў. Звяртацца трэба ў сінагогу.

Паводле www.t-styl.info

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • ВР
  • 2013-12-01 17:18:40
Забаўна і сумна, што тут http://aen.ru/?page=brief&article_id=69147 расказваюць, як увесь горад кінуўся аднаўляць сінагогу...
  • Апошняе на сайце
,

Больш цікавага на «Новым Часе»: