Сярод памідораў і яблычнага варэння. У Літве затрымалі беларускія цыгарэты на 1,2 млн. еўра

28 жніўня літоўскія мытнікі перахапілі дзве буйныя партыі беларускіх цыгарэт. Яны былі схаваныя ў фурах, якія перавозілі памідоры і яблычнае варэнне.
Першая фура перасякала мяжу ў пункце пропуску «Шальчынінкай». Кіроўца, грамадзянін Расіі, заявіў, што вязе памідоры ў Калінінградскую вобласць транзітам праз Літву. Мытнікі прасканавалі аўтамабіль і выявілі, што сярод скрынь з памідорамі былі схаваныя скрынкі з цыгарэтамі. Усяго было знойдзена 211 тысяч пачкаў беларускіх цыгарэт «NZ Gold» (422 скрынкі). Іх кошт з падаткамі ацэньваецца ў 738 тысяч еўра. Аўтамабіль і цыгарэты затрымалі, а кіроўцу вызвалілі пасля допыту.

Другую партыю цыгарэт выявілі ў тым жа пункце пропуску ў фуры, якая везла яблычнае варэнне з Украіны ў Літву. Аўтамабіль прасканавалі і знайшлі ў ім каля 300 скрынь з цыгарэтамі «NZ Gold». Аўтамабіль і груз затрымалі. Кіроўца, грамадзянін Украіны, затрыманы на два дні.

Усяго за суботу мытнікі канфіскавалі кантрабандных цыгарэт на 1,2 млн. еўра, паведамляе мытня Літвы.

Паводле reform.by.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: