Стадыён «Дынама» адмовіў арганізатарам канцэрту #БНР101, бо няма газону

Генеральны дырэктар Нацыянальнага алімпійскага стадыёну «Дынама» Васіль Аляксеенка патлумачыў адмову ў правядзенні святочнага канцэрту на Дзень Волі #БНР101 неабходнасцю аднаўляць газон, піша Радыё Свабода.


Пасля зімовага перыяду гэты працэс «займае да паўтара месяца».

Паводле Аляксеенкі, дата правядзення сьвяточнага канцэрту на Дзень Волі і тэрміны пастаўкі і тэставання пакрыцця футбольнага газону супадаюць.

«Абмежаванні стадыёну „Дынама“ як арэны для арганізацыі правядзення канцэртаў, фестываляў, парадаў абумоўленыя наяўнасцю і ступенню завершанасці тэставання ахоўнага пакрыцця футбольнага газону. Пасля зімовага перыяду аднаўленне газону займае да паўтара месяца», — гаворыцца ў афіцыйным адказе, які атрымала Радыё Свабода ад адміністрацыі стадыёна.

Паводле гендырэктара, цяпер на стадыёне няма пакрыцця травянога газону і лёгкаатлетычных дарожак.

«У звязку з гэтым праводзіцца працэдура закупкі пакрыцця, якое і дазволіць у далейшым у поўнай меры эксплуатаваць стадыён».

Стадыён «Дынама», піша Васіль Аляксеенка, будзе гатовы да правядзення мерапрыемстваў «не раней за красавік пры ўмове своечасовай пастаўкі ахоўнага пакрыцця і яго абавязковага тэставання».

Раней адміністрацыя стадыёну «Дынама» адмовіла арганізатарам святочнага канцэрту на Дзень Волі, спаслаўшыся на Еўрапейскія гульні.

Грамадская кампанія #БНР101 падавала заяўку ў Мінгарвыканкам на святочны канцэрт на «Дынама» 24 сакавіка.

www.svaboda.org


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: