Стала вядома дата запуску БелАЭС

Стала вядомая дата запуску Беларускай АЭС. Аляксандр Лукашэнка абвясціў пра гэта 16 верасня на сустрэчы з палітычным актывам. Аб'ект адкрыюць 7 лістапада, паведамляе тэлеграм-канал "Пул першага", піша tut.by.


Нагадаем, першапачаткова першы энергаблок планавалі запусціць у 2016 годзе. Пазней тэрміны перасоўвалі на лістапад 2018 года. Пасля інцыдэнту з корпусам рэактара для першага энергаблока запуск блока перанеслі на 2019-ы, а пазней на 2020-ы, а другога — на 2021-ы.

6 мая на Беларускую АЭС прыбыло ядзернае паліва для першага энергаблока. 7 жніўня на першым блоку БелАЭС пачалася загрузка ядзернага паліва.

Беларуская АЭС з двума рэактарамі ВВЭР-1200 сумарнай магутнасцю 2400 МВт будуецца па расійскім праекце "АЭС-2006" паблізу Астраўца Гродзенскай вобласці. Генеральным падрадчыкам выступае інжынірынгавы дывізіён дзяржкарпарацыі "Расатам". На будаўніцтва таксама быў выдадзены Расіяй экспартны крэдыт памерам да 10 млрд долараў.


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: