Студэнты-туркмены спрабавалі прадаць у Мінску брыльянты... іх затрымалі

Двух братоў-студэнтаў з Туркменістана, якія спрабавалі прадаваць брыльянты і золата, затрымалі ў сталіцы, паведамляе tut.by са спасылкай на ГУУС Мінгарвыканкама.


Грамадзянам Туркменістана 26 і 36 гадоў, яны завочна вучацца ў Гродна. Паралельна з вучобай яны планавалі гандляваць ювелірнымі вырабамі, якія прывезлі з радзімы. Але адмысловага дазволу ад Дзяржаўнай інспекцыі прабірнага нагляду Мінфіну РБ у іх пры сабе не апынулася.

Зараз туркменам пагражае ад штрафу да трох год пазбаўлення волі па арт. 223 КК РБ (парушэнне правілаў продажу каштоўных металаў альбо камянёў).

Зараз туркменам пагражае ад штрафу да трох год пазбаўлення волі па арт. 223 КК РБ (парушэнне правілаў продажу каштоўных металаў альбо камянёў).



Братоў затрымалі на вуліцы Прытыцкага, дзе тыя збіраліся прадаць дзесяць брыліянтаў на суму ў 950 даляраў. Аператыўнікі таксама канфіскавалі ў затрыманых залатыя ювелірныя вырабы (завушніцы, пярсцёнак, брош), а таксама пакеты з камянямі рознага колеру. Усё гэта будуць вывучаць і ацэньваць эксперты.



Фотаздымкі ГУУС Мінгарвыканкама

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: