Суд пакінуў абаронцу Курапатаў штраф за крыжы

Сёння, 25 сакавіка, у судзе Цэнтральнага раёна Мінска абаронцу Курапатаў Валеру Рабцаву пакінулі штраф за ўсталяванне крыжоў у Курапатах.
Валер Рабцаў (у цэнтры). Фота Алены Ляшкевіч

Валер Рабцаў (у цэнтры). Фота Алены Ляшкевіч

Суддзя Іван Касцян лічыць справядлівым пакаранне за ўсталяванне крыжоў у памеры 3 базавых велічыняў.

Нагадаем, увосень 2018 года актывісты Курапацкай варты ўсталявалі 13 драўляных крыжоў з боку дарогі Калодзішчы–Заслаўе. У кастрычніку начальнік «Мінскаблдарбуду» Уладзімір Сцяпанаў выпісаў актывісту Партыі БНФ Валеру Рабцаву штраф 2 базавыя велічыні за ўсталяванне крыжоў.

Падрабязней пра справу:

Курапаты: закон пра дарогі супраць закона аб ахове помнікаў?


Абаронца Курапатаў не пагадзіўся са штрафам і абскардзіў яго ў судзе. Суддзя Вікторыя Шабуня 20 снежня прыняла пастанову на карысць актывіста.

Але ў сакавіку пасля «Вялікай размовы» Лукашэнкі, дзе кіраўнік краіны абрынуўся на крыжы ля Курапатаў, скасаваны штраф вярнулі, але ўжо ў памеры трох базавых велічынь.

— Лічу пастанову незаконнай і неабгрунтаванай. Юрыстка «Аблдарбуда» сказала, што будзе выносіць нам прэтэнзію аб дэмантажы крыжоў. Але гэта ўжо зусім іншы, грамадзянскі суд. Думаю, судовае рашэнне будзе перадвызначана на падставе выступлення кіраўніка дзяржавы, — сказаў Валер Рабцаў НЧ.

Валер Рабцаў збіраецца і надалей абскарджваць рашэнне, ажно да  Вярхоўнага Суда.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: