Суд у Мінску адхіліў скаргу журналіста DW на затрыманне

Карэспандэнт DW у Мінску Паўлюк Быкоўскі працягне аспрэчваць правамернасць свайго затрымання па справе аб нелегальным доступе да платнай падпіскі дзяржагенцтва "БелТА".


Паўлюк Быкоўскі пасля вызвалення з ІЧУ, 10 жнівеня 2018 года

Суд Партызанскага раёна Мінска адхіліў скаргу карэспандэнта рускай рэдакцыі Deutsche Welle (DW) Паўлюка Быкоўскага на незаконнае затрыманне. Пасяджэнне суда прайшло ў панядзелак, 13 жніўня, у закрытым рэжыме.

"Адвакат падаваў скаргу ў маіх інтарэсах з пункту гледжання таго, што маё затрыманне было незаконным і неабгрунтаваным. Але яны палічылі, што не было ніякіх парушэнняў", — растлумачыў Быкоўскі ў інтэрв'ю DW.

Журналіст заявіў, што мае намер далей аспрэчваць гэтую справу. "Сама па сабе ацэнка таго, было гэта ці не было законным, з'яўляецца дастаткова важнай", — падкрэсліў ён.

Паўлюк Быкоўскі таксама мае намер дамагацца вяртання тэхнікі, сканфіскаванай падчас ператрусу ў яго кватэры. "У мяне зараз канфіскаваныя ўся тэхніка, банкаўскія карткі, тэлефоны і г.д. Зараз я буду пісаць хадайніцтва, каб мне ўсё гэта вярталі", — адзначыў ён. Раней журналіст паведаміў, што праходзіць падазраваным па справе аб незаконным доступе да платнай падпіскі "БелТА".

Чытайце таксама: 

Віктар Марціновіч: Гібрыдная Феміда

Паводле www.dw.com



Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: