Сустрэча з «Новым Часам» на выставе «СМІ ў Беларусі»

Беларуская асацыяцыя журналістаў упершыню возьме ўдзел у выставе «СМІ ў Беларусі», якая пройдзе 2-4 траўня. На стэндзе БАЖ будзе магчымасць сустрэцца з рэдактарамі вядучых беларускіх СМІ. Сустрэча з галоўнай рэдактаркай НЧ Аксанай Колб пройдзе 3 траўня ў 16:00.
Галоўная рэдактарка "Новага Часу" Аксана Колб

Галоўная рэдактарка овага Часу" Аксана Колб

«Мы вырашылі зрабіць наш стэнд максімальна адкрытым для прадстаўнікоў розных медыя і даем магчымасць чытачам сустрэцца з рэдактарамі любімых выданняў, а калегам — прыняць удзел у дыскусіях.

Усе мерапрыемствы праходзяць у адкрытым фармаце, любы наведвальнік можа далучацца, задаваць пытанні і ўдзельнічаць! Запрашаем!», — абяцае на сваім сайце Беларуская асацыяцыя журналістаў.

План мерапрыемстваў на стэндзе БАЖ:

2 траўня, чацвер

13:00 Дыскусія "Інфармацыйная бяспека Беларусі ў медыясферы". Удзельнікі: Андрэй Бастунец — старшыня ГА "Беларуская асацыяцыя журналістаў", Андрэй Елісееў — дырэктар аналітычнага цэнтра EAST, Вадзім Мажэйка — аналітык BISS, Паўлюк Быкоўскі — медыяэксперт і іншыя.

14:00 Сустрэча з Аляксандрам Старыкевічам, галоўным рэдактарам інтэрнэт-газеты "Салідарнасць".

15:00 Сустрэча з Андрэем Дынько, галоўным рэдактарам часопіса "Наша Гісторыя".

16:00 Квіз ад Паўла Свярдлова, галоўнага рэдактара "Еўрапейскага радыё для Беларусі".

 

3 траўня, пятніца

11:00 Брыфінг БАЖ да Сусветнага дня свабоды прэсы. Удзельнікі: Андрэй Бастунец — старшыня БАЖ, Алег Агееў — намеснік старшыні, юрыст БАЖ.

11:30 Дыскусія “Наколькі аб’ектыўна месца Беларусі ў рэйтынгах свабоды слова”. Удзельнікі дадаюцца: Алег Агееў — намеснік старшыні, юрыст БАЖ, Андрэй Аляксандраў — медыяэксперт, запрошаныя таксама прадстаўнікі Беларускага саюза журналістаў.

13:00 Сустрэча з Іосіфам Сярэдзічам, галоўным рэдактарам “Народнай Волі”.

14:00 Прэзентацыя сайта "Віртуальная галерэя" — сумесны праект БАЖ і Аляксандра Тамковіча.

15:00 Сустрэча з Марынай Золатавай, галоўнай рэдактаркай TUT.BY.

16:00 Сустрэча з Аксанай Колб, галоўнай рэдактаркай газеты "Новы Час".

17:00 Сустрэча са Змітром Бартосікам, журналістам і літаратарам, лаўрэатам прэміі імя Ежы Гедройца.

 
4 траўня, субота

11:00-13:00 Юрыст БАЖ Алег Агееў адказвае на пытанні пра заканадаўства ў галіне медыя.

У праграме будуць дадаткі — ідуць перамовы яшчэ з шэрагам выступоўцаў.

Выстава “СМІ ў Беларусі” пройдзе ў НВЦ “БелЭкспа” (Мінск, пр-т Пераможцаў, 14). Уваход вольны.

Хочаце ведаць больш? Сачыце за нашымі публікацыямі ў Telegram і Facebook!