Шуневіч: У Беларусі ўсёдазволенасці ў інтэрнэце будзе пастаўлены бар'ер

Міністр унутраных спраў Ігар Шуневіч пракаментаваў "Палажэнне аб парадку папярэдняй ідэнтыфікацыі карыстальнікаў інтэрнэт-рэсурса", якое распрацаванае ў Беларусі і на мінулым тыдні было вынесена на грамадскае абмеркаванне, паведамляе «Еўрарадыё».

Фота www.belnovosti.by

Як вядома, галоўнае ў ім — карыстальнік, які захоча каментаваць матэрыялы на пэўным сайце, мусіць аўтарызавацца, "засвяціць" свой нумар тэлефону. У праграме "Галоўны эфір" на тэлеканале "Беларусь 1" Шуневіч адзначыў, што новаўвядзенне будзе дысцыплінаваць беларускае грамадства.

"Інтэрнэт зараз — гэта зона абсалютна безадказных паводзінаў, выказванняў, меркаванняў, абраз, распаўсюджвання паклёпу, здзяйснення шэрагу канкрэтных крымінальных злачынстваў, адміністрацыйных правапарушэнняў, — гаворыць міністр. — За кожны ўчынак чалавек павінен адказваць, асабліва калі ён парушае нечыя правы, інтарэсы. Зыходзячы з гэтага, лічу мэтазгодным, правільным і своечасовым вырашэнне пытання аб ідэнтыфікацыі ўдзельнікаў гэтага працэсу".

Ігар Шуневіч лічыць, што аўтарызацыя інтэрнэт-карыстальнікаў "у нейкай ступені" паставіць бар'ер "усёдазволенасці".

euroradio.fm


Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • Экстрэміст
  • 2018-09-17 12:24:26
Не, Шуня, мы надалей пісалі і будзем пісаць тое што лічым патрэбным. А ты надалей думай што паставіў там камусці штосьці...

Больш цікавага на «Новым Часе»: