У Гомелі затрымалі журналістку «Новага часу» (абноўлена). Фота, відэа

Рэгіянальную карэспандэнтку "Новага часу" Марыну Драбышэўскую затрымалі падчас асвятлення акцыі ў Гомелі. Пра гэта па тэлефоне паведаміла сама Марына.

"Мяне вязуць у Чыгуначны РУУС Гомеля. Так што матэрыял здаць не змагу", — сказала Марына рэдактару.

Марына паспела даслаць толькі некалькі фатаздымкаў з Першамайскай акцыі ў Гомелі.








Па тэлефоне ж лейтэнант, які суправаджаў Марыну, паведаміў, што ў РУУС яны разбяруцца і паведамяць пра вынік.

А 16-й гадзіне Марыну выпусцілі з РУУС. Але папярэдне на журналістку склалі пратакол паводле часткі 2 артыкула 22.9 КаАП (незаконны выраб прадукцыі для замежных СМІ без акрэдытацыі). Не гледзячы на тое, што ў Марыны было з сабой пасведчанне пазаштатнага карэспандэнта "Новага часу", супрацоўнікі міліцыі палічылі, што яна працавала на акцыі на тэлеканал "Белсат".

Заўтра ранкам рэдакцыя накіруе копію дамовы з пазаштатным карэспандэнтам Марынай Драбышэўскай, а таксама спасылкі на матэрыялы журналісткі. Пачакаем вынікаў...

А пакуль можаце пачытаць артыкулы Марыны Драбышэўскай на нашым сайце


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: