Трубадур «русскаго міра» выступіць у гарадзенскім Драмтэатры

У гарадзенскім Драматычным тэатры на сераду, 28 сакавіка, анансаваны канцэрт шчырага абаронцы й прапагандыста «русскаго міра», прыхільніка акупацыі ўкраінскай тэрыторыі Расійскай Федэрацыяй і памагатага баявікоў незаконных збройных фармаванняў – Аляксея Нежаўца.

Дзеля надання неабвержных доказаў, якія бясспрэчна сведчаць пра ягоную ролю ў пашырэнні ідэяў дэструктыўнага “русскаго міра”, было вырашанае здзейсніць выведку адкрытых крыніцаў, у выніку якой была сабраная дастатковая колькасць факталагічнай інфармацыі. Гэты матэрыял мае істотнае грамадскае значэнне ў святле таго факту, што фігурант гэтага раследавання здзяйсняе ў Беларусі вельмі актыўную й безперашкодную канцэртную дзейнасць.

Пачнем з біяграфічных звестак пра фігуранта гэтага раследавання.

Ідэнтыфікацыйныя дадзеныя:

Нежавец Аляксей Аляксандравіч.

Нарадзіўся 19 верасня 1976 года ў Мінску, БССР. У 1998 г. скончыў механіка-матэматычны факультэт Беларускага Дзяржаўнага Універсітэта.

У базе дадзеных “Чысцец” цэнтру “Міратворац” фігуруе як памагаты тэрарыстаў, удзельнік збору і перавозкі матэрыяльнай дапамогі падраздзяленням 1-га акупацыйнага армейскага корпуку ЗС РФ (г. Данецк). Шматкроць незаконна перацінаў дзяржаўную мяжу Украіны й патрапляў на часова акупаваныя тэрыторыі.

Прафэсія: бард, выканаўца аўтарскай песні. Прафесійна займаўся бальнымі танцамі, усходнімі адзінаборствамі.

Акаўнты сацсетак: “VK”, “FB”, “ОК”.

Іншыя крыніцы: alesha-n.livejournal.com, nezhevets.na.by.

У Фэйсбуку ён мае досыць характэрную старонку:

Фігурант гэтага раследавання стала ўдзельнічае ў разнастайных культурна-масавых мерапрыемствах на тэрыторыі акупаванага Крыма й Данбаса. Для падтрымкі маральна-баявога духу баявікоў выступае непасрэдна ў дыслакацыі падраздзяленняў акупацыйных расейскіх войскаў і ў вайсковых шпіталях:
З баявікамі незаконнага збройнага фармавання “Інтэрбрыгада Пятнашка” (А.Нежавец у цэнтры)

З баявікамі незаконнага збройнага фармавання “Інтэрбрыгада Пятнашка” (А.Нежавец у цэнтры)



З калегамі-прапагандыстамі ў дыслакацыі падраздзялення 1-га акупацыйнага армейскага корпусу ЗС РФ (Данецк)

З калегамі-прапагандыстамі ў дыслакацыі падраздзялення 1-га акупацыйнага армейскага корпусу ЗС РФ (Данецк)



Разам з баявіком незаконных збройных фармаванняў

Падчас свайго апошняга візыту ў Данецк у лютым 2018 году наведаў вайсковы шпіталь 1-га акупацыйнага вайсковага корпусу 8-й агульнавайсковай арміі Збройных Сілаў РФ. Характэрна, што зафіксаваны ў фатаздымку ніжэй баявік з параненай рукой, які стаіць леваруч Нежаўца, згодна з ягоным шаўронам належыць да групоўкі “ISIS Hunters” – аднаго з элітных падраздзяленняў, што ваюе ў Сірыі на баку дыктара Башара Асада. Паводле выдання “Фантанка”, гэтае фармаванне ёсць інфармацыйным прыкрыццём прыватнай вайсковай кампаніі “Вагнер” кухара Пуціна Яўгена Прыгожына.

А.Нежавец стаіць пяты леваруч (у светлай кашулі)

А.Нежавец стаіць пяты леваруч (у светлай кашулі)


Апроч падтрымкі маральна-баявога стану падраздзяленняў акупацыйнага вайсковага кантынгенту ЗС РФ Нежавец таксама ўдзельнічае ў прапагандысцкіх мерапрыемствах, якія арганізуюць у вышэйшых навучальных установах акупаваных тэрыторыяў, а таксама прымае ўдзел у рознага кшталту акцыях інфармацыйна-псіхалагічнага ўздзеяння. У фота ніжэй ён зафіксаваны падчас наведвання так званай Данецкай акадэміі ўнутраных справаў ДНР.
А вось ён у Горлаўскім інстытуце замежных моваў

А вось ён у Горлаўскім інстытуце замежных моваў


Для ўдзелу ў прапагандысцкіх кампаніях асабіста наведвае мейсцы зацятых баявых дзеянняў расійскай арміі з падраздзяленнямі Збройных Сілаў Украіны:
Савур-Магіла, жнівень 2015 г.

Савур-Магіла, жнівень 2015 г.


Пра ягоную падставовую ролю ў прапагандзе “русскаго міра” сведчаць наўпрост дзеячы акупацыйнай адміністрацыі. У відэа ніжэй шчырыя дыфірамбы Нежаўцу робіць асабіста намеснік старшыні так званага Саюза пісьменнікаў ДНР Уладзіслаў Русанаў:



След асабліва зазначыць, што Аляксея Нежаўца прымаюць у тэрарыстычным утварэнні “Л/ДНР” наагул на досыць высокім узроўні. Вось, напрыклад, у відэа ніжэй яго інтэрвіюе Мая Пірагова – дырэктарка так званага Дэпартаменту дзяржаўнай інфармацыйнай палітыкі Міністэрства інфармацыі ДНР. Нежавец шчыра сведчыць функцыянерцы тэрарыстычнага ўтварэння, якое спрычынілася да дзясяткаў тысячаў смерцяў, што ён – абаронца “русскаго міру”, актыўны ўдзельнік інфармацыйнага супрацьдзеяння. Таксама сцвярджае, што за гэтыя гады прайшоў вагнявую падрыхтоўку. Напрыканцы інтэрв'ю гэтая супрацоўніца структураў кіравання “ДНР” узнагароджвае Нежаўца дыпломам за, цытую: “неоценимый вклад в прорыве информационной блокады ДНР”.

Апроч усяго пададзенага вышэй вызначанае, што Аляксей Нежавец распальвае рэлігійную варажнечу ў дачыненні да хрысціянскіх вернікаў і прапагандуе ў сацыяльных сетках нацысцкую сымболіку, што падпадае пад дзеяньні артыкулаў Крымінальнага кодэксу РБ.

З улікам усяго масыву прыведзенай доказавай інфармацыі след неадкладна й тэрмінова спыніць канцэртную дзейнасць гэтага актыўнага прагандыста “русскаго міра” й памагатага расейскіх акупацыйных войскаў.
Грамадзянская дэмакратычная супольнасць мае з усёй адказнасцю адрэагаваць на гэтыя адкрытыя праявы патурання й спрыяння працаўнікоў Міністэрства Культуры РБ адыёзным прапагандыстам расійскай імперскай ідэалогіі й мажлівым заўтрашнім памагатым акупацыйных войскаў РФ, толькі ўжо на беларускай зямлі.

Таксама ёсць значная падстава для разбіральніцтва з гэтай сітуацыяй і адпаведным сілавым структурам Беларусі. Прэрагатывай й вызначальным чыннікам тут мае быць узмацненне нацыянальнае бяспекі нашай краіны.

Паводле informnapalm.org

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Абмеркаванне:

  • фцф
  • 2018-03-27 21:10:53
І СЯРОД БЕЛАРУСАЎ ЁСЬЦЬ НЯМАЛА "ДАМБАСЁРАЎ". НА ЖАЛЬ, РАМАНТЫКА І МІРАЖЫ "НАРОДНЫХ РЭСПУБЛІК" - ФАКТ РЭАЛЬНЫ І ШМАТ ВЕЛЬМІ ДАРОСЛЫХ, АЛЕ ЎСЁ Ж НАІЎНЫХ ЛЮДЗЕЙ РОЗНЫХ НАЦЫЯНАЛЬНАСЬЦЯЎ, ЛЕГКА ВЯДУЦЦА НА ГІСТЭРЫЧНУЮ РАСЕЙСКУЮ ПРАПАГАНДУ. НЕ ВЕДАЎ, ШТО НЕЖАВЕЦ АПЫНУЎСЯ СЯРОД ІХ ...

Больш цікавага на «Новым Часе»: