Турыстычны аўтобус з Беларусі трапіў у ДТЗ пад Псковам

У выніку аварыі, у якую трапіў аўтобус з Беларусі, пацярпелі 18 асобаў. Усяго ў бальніцы знаходзяцца 10 дзяцей і восем дарослых.

Фота vk.com/spb_today


"Пяцёра дзяцей шпіталізаваныя, яшчэ пяць яшчэ на аглядзе, усім аказваецца медыцынская дапамога", — паведамілі ТАСС у дзіцячай абласной клінічнай бальніцы.


Чатыры пасажыры знаходзяцца ў цяжкім стане, паведамляе інфармацыйнае агенцтва «ТАСС».

ДТЗ адбылося раніцай 23 сакавіка на 222-м кіламетры трасы Санкт-Пецярбург – Невель. Паводле прэс-службы УУС Пскоўсай вобласці, кіроўца ВАС-2107 выехаў на паласу сустрэчнага руху і сутыкнуўся з аўтобусам «Mercedes», які ехаў з Мінску ў Санкт-Пецярбург.

«У ДТЗ пацярпелі 13 асобаў, у тым ліку 11 пасажыраў аўтобуса. Сярод пацярпелых — кіроўца аўтобуса. Сур’ёзных траўмаў няма, усе пацярпелыя дастаўлены ў Пскоўскую абласную бальніцу, у асноўным гэта ўдары», — сказалі ў прэс-службе.

Паводле звестак расійскага МУС, усе пасажыры аўтобуса — жыхары Беларусі. Сярод пацярпелых таксама чацвёра дзяцей. На месцы здарэння працуе следча-аператыўная група.


Як паведаміла ТАСС крыніца ў экстранных службах, усяго ў аўтобусе знаходзіліся 50 чалавек, з іх 11 — дзеці.

Галоўны лекар пскоўскай абласной бальніцы Анатоль Волкаў паведаміў ТАСС, што ў чатырох пацыентаў цяжкі стан. Зараз у бальніцы знаходзяцца сем дарослых, яшчэ аднаго прывязуць з месца ДТЗ у бліжэйшы час.

«Цяжкі стан у чацвярых, аказваем дапамогу, дыягназы не ставяцца за пяць хвілін. З тых, хто паступіў, двое жыхароў Пскоўскай вобласці, астатнія — беларусы», — сказаў Волкаў.

Паводле belsat.eu,  ТАСС 

 

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: