Тузін шчаслівых «хвастоў»

Напрыканцы мінулага года ў «Новым Часе» мы распачалі новую рубрыку «Выратуй жыццё!». Кожны дзень у ёй з'яўляецца гісторыя коткі ці сабакі, якія не маюць дома. Камусьці ад пачатку не пашанцавала нарадзіцца на вуліцы, хтосьці згубіўся, а некага проста выкінулі як непатрэбную рэч.
Гэтыя коткі і сабакі яшчэ шукаюць свой дом!

Гэтыя коткі і сабакі яшчэ шукаюць свой дом!



У кожнага быў свой шлях нягодаў і блуканняў. Але большасць з іх аб'ядноўвае адно: у нейкі момант на гэтым шляху з'явіўся неабыякавы чалавек з добрым сэрцам, які не змог прайсці міма коткі ці сабакі ў бядзе і ўзяў на сябе адказнасць за іх далейшае жыццё. Добра, што такіх людзей шмат, але «выцягнуць» усіх беспрытульных жывёл яны не ў стане. Спадзяемся, даючы двуногім і чатырохлапым шанец знайсці адзін аднаго мы робім гэты свет лепей. 

За два месяцы мы апублікавалі больш за 70 гісторый. І дванаццаць іх герояў ужо дома! Шчаслівы тузін — тых, хто знайшоў сям'ю, міску, канапу, бяспеку і любоў. І тых, хто атрымаў вернага сябра, ахоўніка, пухнаты камячок, які ўтульна муркоча пад бокам. Такі ўчынак — зусім неблагі пачатак новага года. І мы рады, што чытачы «Новага Часу» — добрыя і неабыякавыя людзі!

Сябры, мы заклікаем вас скарыстацца магчымасцю выратаваць жыццё! Магчыма, той, каго вы выратуеце сёння, калісьці прыйдзе на дапамогу вам. Добрыя справы абавязкова вяртаюцца!
 

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: