Тых, хто сабраўся падтрымаць шахцёра ў Салігорску, затрымліваюць

Стачкам «Беларуськалія» перадае, што тых, хто сабраліся каля рудаўпраўлення для падтрымкі Алега Кудзёлкі, прама цяпер затрымліваюць.
Таксама паведамляецца, што жонка шахцёра перадала, што ёй патэлефанаваў муж і паведаміў, што яго паднялі на паверхню і на машыне хуткай дапамогі вязуць у цэнтральную раённую бальніцу Салігорска.

Алег Кудзёлка, які застаўся ў шахце і высунуў патрабаванні, працуе майстрам горнага ўчастка 4-га рудніка. Заўтра ў яго будзе дзень нараджэння, яму споўніцца 43 гады. Ён выхоўвае траіх дзяцей.

«Са слоў жонкі Таццяны, такі пратэст Алег хацеў выказаць яшчэ адразу пасля 9 і 10 жніўня», — паведамляюць у стачкаме «Беларуськалія».


Раней паведамлялася, што каля 11.10 да рудаўпраўлення 4 прыехала машына хуткай дапамогі, у якую праз нейкі час пасадзілі чалавека (тады не было вядома, ці гэта быў Алег Кудзёлка).

Да прысутных ля рудаўпраўлення падышлі людзі ў цывільным адзенні, а таксама міліцыя. Іх прасілі разыйсціся. Людзі сталі ў счэпку. Адзін з мужчын у цывільным адзенні здымае ўсё на камеру.

Нагадаем, сёння раніцай у Салігорску шахцёр Алег Кудзёлка застаўся ў шахце пасля працоўнай змены да выканання сваіх патрабаванняў. Сярод іх — адстаўка гендырэктара «Беларуськалія» і спыненне гвалту з боку сілавікоў у дачыненні да мірных грамадзянам.

Паводле tut.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: