У 15 рэгіёнах абмежавалі наведванне лясоў

За суткі ў краіне адбылося больш за 50 лясных пажараў.
Фота: Маларыцкі лясгас

Фота: Маларыцкі лясгас

Па стане на 14.00 8 красавіка забароны дзейнічалі ўжо ў 15 раёнах:

У Гомельскай вобласці

Брагінскі, Нараўлянскі, Ельскі, Лельчыцкі, Мазырскі, Петрыкаўскі, Жыткавіцкі, Рэчыцкі, Веткаўскі, Жлобінскі раёны.

У Брэсцкай вобласці

Столінскі, Пінскі, Брэсцкі, Камянецкі раёны.

У Мінскай вобласці

Салігорскі раён

Чакаецца, што ў хуткім часе наведванне лясоў можа быць абмежавана і ў іншых паўднёвых рэгіёнах краіны.

Прычына ўвядзення часовых забаронаў на наведванне лясоў — высокі клас пажарнай небяспекі. Стаіць гарачае, сухое надвор'е, адсутнічаюць ападкі, пажар узнікае ад найменшай іскры.

Так, толькі за мінулыя суткі ў лясным фондзе Мінлясгаса адбыліся 52 лясныя пажары. Агульная плошча ўзгаранняў склала 155,9 га. З пачатку года ў лясах зафіксавана ўжо 270 узгаранняў. Агульная плошча ачагоў перавысіла 700 га.

Асноўнай прычынай пажараў з'яўляецца чалавечы фактар: грамадзяне выжываюць сухую расліннасць, у выніку парываў ветру агонь пераходзіць у лясны фонд. Акрамя таго, часцяком ад неабдуманых дзеянняў церпіць асабістая маёмасць насельніцтва.

Міністэрства лясной гаспадаркі нагадвае грамадзянам аб недапушчальнасці падобных дзеянняў.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: