У Беларусі — хваля затрыманняў раней асуджаных актывістаў

Праваабаронцы пазбаўленага рэгістрацыі цэнтру «Вясна» паведамляюць пра затрыманні 31 ліпеня ў гарадах краіны актывістаў для адбыцця раней вынесеных адміністрацыйных арыштаў.
У Оршы для адбыцця 15-сутачнага арышту затрыманы адміністратар телеграм-канала «Орша для жыцця» Аляксандр Андрэеў. На «суткі» затрыманыя Генадзь Ларыёнаў (15 сутак), Вадзім Капорыкаў (12 сутак), Міхаіл Чэмурака (10 сутак), Іллю Ціханава затрымалі 28 ліпеня (15 сутак). Таксама 31 ліпеня штраф 25 базавых велічынь атрымала Кацярына Гарэлікава.

У Наваполацку для адбыцця адміністрацыйнага арышту ў 14 сутак забралі з дому Андрэя Зуева. Мужчыну пагражалі, што сацыяльная служба прыйдзе для праверкі умоў пражывання яго маленькіх дзяцей, пішуць праваабаронцы. Адразу з працы, завода «Нафтан», на 14 сутак забралі Артура Сіняга.

Паведамляецца пра арышт у Мінску актывіста «Еўрапейскай Беларусі» Яўгена Афнагеля. Ён знаходзіцца ў ЦІП на Акрэсціна. Як мяркуецца, адбывае 15 сутак адміністратыўнага арышту за пікет па зборы подпісаў за альтэрнатыўных кандыдатаў на Камароўскім рынку. Пры якіх абставінах і дзе Яўген Афнагель быў затрыманы, невядома.

Таксама адбываць раней прысуджаныя 15 сутак арышту забралі актывіста Максіма Вінярскага.

У Брэсце яшчэ 28 ліпеня быў затрыманы Андрэй Шарэнда, сёння яго даставілі ў суд. 24 ліпеня ў доме Андрэя Шарэнды прайшоў ператрус, міліцыя канфіскавала лічбавыя носьбіты і прылады. Суд пакараў Шарэнда 15 суткамі арышту за заклік у інтэрнэце да ўдзелу ў акцыі 14 ліпеня.

Акрамя таго, вядома пра затрыманне журналістаў «Белсата» ў Маладзечне і Лідзе, а таксама валанцёраў «Краіны для жыцця» ў Слуцку.

З пачатку бягучай выбарчай кампаніі 204 чалавекі атрымалі ў агульнай складанасці 2937 сутак арышту па адміністрацыйных артыкулах, 367 чалавек атрымалі штрафы агульным памерам амаль 285 тысяч рублёў. Праваабаронцам вядома як мінімум пра 1277 выпадках адвольных затрыманняў, якія адбыліся ў перыяд з 6 мая па 31 ліпеня, сказана на сайце.

tut.by

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: