У беларускіх школах плануюць больш выкладаць асновы праваслаўя — ужо з наступнага года

У Беларусі разглядаюць пытанне аб тым, каб пашырыць выкладанне асноў праваслаўнай культуры ў школах з наступнага навучальнага года, паведамляе interfax.by.


"Разглядаецца пытанне аб пашырэнні выкладання факультатыва па асновах праваслаўнай культуры ў наступным навучальным годзе. Але ўжо сёння трэба заклапаціцца пытаннем пошуку і падрыхтоўкі педагогаў, здольных весці выкладанне факультатыва на высокім змястоўным і метадычным узроўні, прыцягнення да выкладання факультатыва святароў", — заявіў кіраўнік Беларускай праваслаўнай царквы біскуп Веніямін на анлайн-нарадзе для кіраўнікоў епархіяльных аддзелаў рэлігійнай адукацыі і катэхізацыі.

Кіраўнік БПЦ нагадаў, што ўжо зацверджаныя і працуюць навучальныя праграмы па факультатыве для першых-чацвёртых і пятых-дзявятых класаў агульнаадукацыйнай школы."Завяршаецца праца па сцвярджэнні праграмы для дзесятых-адзінаццатых класаў", — сказаў ён.

Галоўнай задачай агульнаадукацыйнай школы кіраўнік БПЦ назваў арганізацыю выхаваўчай работы, маральнае выхаванне, выхаванне грамадзяніна. "У гэтым заключаецца яе гістарычнае прызначэнне. Што павінна быць менавіта так — пацвярджае аналіз той складанай грамадска-палітычнай сітуацыі, якая сёння склалася ў нашай краіне. Школа занадта захапілася клопатам аб стварэнні перадумоў для будучага матэрыяльнага дабрабыту навучэнцаў, мяркуючы, што галоўнае пры падрыхтоўцы маладога чалавека да жыцця — забяспечыць яму асабісты поспех", — лічыць экзарх.

"Падыходы да выхаваўчай працы, маральнага выхавання павінны змяніцца. Гэта патрабаванне агучыў кіраўнік дзяржавы (маецца на ўвазе былы кіраўнік дзяржавы Лукашэнка — рэд.). Па гэтым пытанні ў нас адбылася грунтоўная гутарка з міністрам адукацыі. У цяперашні час сумесна са спецыялістамі Міністэрства адукацыі вядзецца праца па вызначэнні новых перспектыўных напрамкаў супрацоўніцтва", — праінфармаваў кіраўнік БПЦ.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Грамадства: галоўнае

Больш цікавага на «Новым Часе»: