У бліжэйшы час пачнецца рамонт плошчы Перамогі ў Мінску

Капрамонт плошчы Перамогі ў Мінску пачнуць у бліжэйшы час, паведамілі ў ДВА «Гаррамаўтадар Мінгарвыканкама». Праектаванне і будаўніцтва будуць весціся паралельна.
belarus.by

belarus.by

— Цяпер завяршаецца падрыхтоўка прадпраектнай дакументацыі, на падставе якой і будзе распрацоўвацца праект. Дакладна будзем мяняць стылабат манумента, рэканструяваць абеліск, рабіць электрападагрэў гранітнага пакрыцця памятнага месца. На днях пачнем выстаўляць на аб'екце агароджы і рыштаванні і прыступаць да работ, — удакладнілі ў аб'яднанні.

Завяршыць капрамонт трэба будзе да 9 траўня 2020 года — 75-годдзя перамогі ў Другой сусветнай вайне.

Паводле minsknews.by

Хочаце ведаць больш? Сачыце за нашымі публікацыямі ў Telegram і Facebook!