У Брэсце асудзілі восьмую групу фігурантаў «карагоднай справы»

6 кастрычніка ў судзе Маскоўскага раёна Брэста агучылі прысуды чарговым шасці фігурантам так званай «карагоднай справы».


Усіх абвінавацілі ва ўдзеле ў пратэставай акцыі 13 верасня 2020 года на скрыжаванні бульвара Касманаўтаў і праспекта Машэрава, піша Радыё Свабода.

Суддзя Марыя Аліфярук пакарала ўдзельнікаў крымінальнага працэсу наступнымі тэрмінамі калоніі і абмежавання волі:

Алег Кулеша (больш за 3 месяцы ў СІЗА № 7 Брэста) — 1 год і 7 месяцаў калоніі;

Мікіта Дзмітрыеў — 2 гады «хіміі»

мужа і жонку Сяргея Кунцэвіча і Ганну Кашырскіх — 1,5 года «хіміі»;

Дзмітрый Макарэвіч — 1 год 6 месяцаў «хатняй хіміі»

Тацяна Пякарская — 1 год 6 месяцаў «хатняй хіміі».

Згодна з версіяй абвінавачання, падсудныя ў групе з іншымі асобамі наўмысна «ўзялі актыўны ўдзел у групавых дзеяннях, якія груба парушаюць грамадскі парадак». Іх дзеянні нібыта былі спалучаныя з непадпарадкаваннем законным патрабаванням прадстаўнікоў улады, пацягнулі за сабой парушэнне працы транспарту, арганізацыяў і прадпрыемстваў.

З прычыны прастою тралейбуснаму парку нанесеная шкода ў суме 619 рублёў 55 капеек, аўтобуснаму — 40 рублёў 37 капеек, на некалькі гадзін закрыліся гандлёвыя павільёны і рэстаран хуткага харчавання.

Агулам на гэты момант вынеслі ўжо сем калектыўных прысудаў. У рамках крымінальнай справы асудзілі 87 чалавек.

Суддзі, якія каралі фігурантаў «карагоднай справы»: Святаслаў Каліна, Дзмітрый Шурын, Іна Клышпач, Сяргей Маручак, Яўген Брэган, Дзмітрый Куроўскі, Вера Філонік.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: