У Брэсце забаранілі 15 мітынгаў на месцы для правядзення мітынгаў

Праціўнікі акумулятарнага заводу хацелі сабрацца, бо маюць звесткі, што iPower мае намер аднаўляць працу, паведамляе Радыё Свабода.
Брэсцкі райвыканкам забараніў правядзенне 15 мітынгаў супраць акумулятарнага заводу iPower, піша БелаПАН. Заяўнікі планавалі акцыі 1–15 сакавіка на стадыёне дзіцяча-юнацкай спартовай школы «Прыбужжа».

У 2014 годзе гэты стадыён быў вызначаны ўладамі як «пастаяннае месца для правядзення мітынгаў» — рашэнне пра гэта апублікаванае на сайце райвыканкаму.

Як кажа праваабаронца Раман Кісляк, мітынгі праціўнікам акумулятарнага заводу там не дазвалялі і раней: забаранілі 29 акцыяў, «стваралі бачнасць рамонту». Цяпер жа стадыён нібыта проста выключылі са спісу, але калі зрабілі так, то таемна — новага рашэння пра спіс дазволеных месцаў не публікавалі ў адкрытых крыніцах, а на сайце выканкаму пакінулі рашэнне 2014 года.

Берасцейцам за ўвесь час процістаяння акумулятарнаму заводу дазволілі толькі адзін мітынг (29 красавіка 2018 года сабраліся каля дзвюх тысяч чалавек), а забаранілі 253 мітынгі, 12 пікетаў і 16 дэманстрацыяў. Берасцейцы, аднак, ужо два гады — ад 25 лютага 2018-га — збіраюцца кожнае нядзелі на цэнтральнай плошчы і «кормяць галубоў» на знак пратэсту супраць заводу.

svaboda.org

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: