У BYSOL распавялі, у які тэрмін звольненым пералічваюць кампенсацыі і чаму гэта займае столькі часу

Беларусы, якія страцілі працу па прычыне сваіх палітычных поглядаў, могуць атрымаць кампенсацыю з Фонду салідарнасці BYSOL (грошы ў яго ахвяруюць неабыякавыя людзі). Праўда, у сацсетках можна сустрэць каментары пра тое, што кампенсацыі нібыта ідуць занадта доўга і з-за гэтага не ўсе вырашаюцца звольніцца. У BYSOL распавялі, колькі ў сярэднім займае працэс выплат і ці плануюць яго паскорыць, а яшчэ падзяліліся лічбай: звольненым ўжо выплацілі больш за 1 мільёна еўра.
Тэрмін пералічэння кампенсацыі звольненым складае да 21 дня (але часцей менш, падкрэсліваюць у фондзе). У BYSOL камэнтуюць, што гэта абумоўлена працэсам верыфікацыі і часам пераводу.

- Нярэдка патрабуюцца ўдакладненні па заяўцы, дадатковыя дакументы і гэтак далей. Вельмі многае залежыць ад таго, наколькі хутка адказвае нам чалавек і прадастаўляе гэтыя дадатковыя дакументы. А яшчэ ў 21 дзень закладваюцца любыя складанасці, звязаныя з фінансавым механізмам выплат, - тлумачаць у фондзе. - Яшчэ адзін нюанс у тым, што не ўсе, хто запоўнілі заяўку, выконваюць апошні крок - звязацца з намі па спасылцы ў канцы заяўкі. І з-за налад бяспекі карыстальнікаў мы не заўсёды можам звязацца з імі самі, а шукаем магчымасці выйсці на сувязь у любым выпадку. Аднак гэтыя пошукі могуць запаволіць выплату. Падводзячы вынік: калі заяўка запоўненая правільна і апошні крок зроблены, то тэрмін пералічэння кампенсацыі складае да 21 дня.

Каб паскорыць гэты працэс, цяпер у фондзе аптымізуюць працэсы і пашыраюць штат валанцёраў.

Тым часам агульная сума выплат тым, хто звольніўся і звольненым з-за палітычных поглядаў на дадзены момант складае 1 025 661 еўра. Кампенсацыі атрымалі 623 чалавек і 10 стачкамаў заводаў. Усяго ў фонд паступіла 1720 заявак, з іх ужо верыфікаваць 878.

Хто і як можа звярнуцца за выплатай ў Фонд салідарнасці

Каб звярнуцца за выплатай, трэба запоўніць кароткую форму. У ёй некаторыя асабістыя і кантактныя дадзеныя, а таксама тое, якая менавіта дапамога патрэбна (фінансавая, у пошуку працы). Таксама звольнены чалавек павінен запісаць відэазварот і расказаць пра тое, чаму яго звольнілі. Сузаснавальнік праекта Фонду салідарнасці BYSOL, праваабаронца і валанцёр Андрэй Стрыжак тлумачыў, што, паколькі людзей звальняюць за перакананьні, выказаныя публічна, яны могуць паўторна публічна іх прагаварыць.

Выплата на аднаго звольненага складае 1500 еўра (прыкладна тры сярэднія зарплаты па краіне). Акрамя гэтага, Фонд салідарнасці таксама пералічвае сабраныя беларусамі грошы ў страйкамы страйкоўцаў прадпрыемстваў.

Плаціць падаходны падатак з гэтай сумы не трэба. Па законе кожны грамадзянін мае права атрымаць пэўную суму ў падарунак і не плаціць з яе падаходны падатак. Як распавядала падатковы кансультант Марына Грыгарчук, у гэтым годзе сума дарэння, не абкладзеная падаткам, складае 7003 рубля. Аднак трэба ўлічваць усю суму, падораную на працягу года. Калі з улікам іншых падарункаў (напрыклад, на святы) яна перавысіць 7003 рубля, то з сумы перавышэння трэба будзе заплаціць падатак па стаўцы 13%, а таксама падаць падатковую дэкларацыю па выніках 2020 года.

tut.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: