У дачыненні да гродзенскага блогера Vadimati распачалі крымінальную справу па двух артыкулах

У дачыненні да гродзенскага блогера Vadimati распачалі крымінальную справу паводле двух артыкулаў: «Абраза прэзідэнта Рэспублікі Беларусь» і «Здзек з дзяржаўных сімвалаў». Абвінавачанне гродзенцу пакуль не прад'явілі.


Абразай палічылі дзве фразы. Па арт. 368 КК «Абраза прэзідэнта Рэспублікі Беларусь» яму пагражае да чатырох гадоў пазбаўлення волі, па арт. 370 КК «Здзек з дзяржаўных сімвалаў» — да трох гадоў.

Вадзім Ермашук (Vadimati) цяпер знаходзіцца ў ІЧУ ў Шчучыне, дзе адбывае адміністрацыйны арышт. Ён быў затрыманы 16 жніўня ў раённым цэнтры, куды паехаў здымаць гумарыстычны ролік для свайго Instagram.

Вадзім Ермашук — вядомы гродзенскі блогер. На яго Instagram падпісаныя больш за 45 тыс.чалавек. У кастрычніку мінулага года мужчыну судзілі за ўдзел у несанкцыянаваным масавым мерапрыемстве, якое праходзіла ў жніўні. Тады ён быў прызнаны вінаватым па ч. 1 арт. 23. 34 КаАП РБ і аштрафаваны на 20 базавых велічынь. 16 жніўня гэтага года яго зноў затрымалі, а 19 жніўня прысудзілі да 25 сутак адміністрацыйнага арышту па арт.24. 23 КаАП («Парушэнне парадку арганізацыі або правядзення масавых мерапрыемстваў»).

9 верасня яго асудзілі яшчэ на 15 сутак за нібыта званок у службу "115" 13 жніўня гэтага года і нецэнзурныя выказванні ў адрас ЖКГ і гарвыканкама.


Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: