У Гомелі будуць судзіць мужчыну, які глядзеў «дэструктыўныя відэаканферэнцыі»

Гомельская міліцыя паведаміла пра затрыманне мясцовага жыхара, які ўдзельнічаў у «дэструктыўных відэаканферэнцыях». Інфармацыя пра яго з'явілася на сайце Гомельскага УУС.
Ілюстрацыйнае фота

Ілюстрацыйнае фота


Мужчыну знайшлі супрацоўнікі мясцовага ГУБАЗіК. Паведамляецца, што 32-гадовы жыхар абласнога цэнтра «ўдзельнічаў у апазіцыйных закрытых відэаканферэнцыях з удзелам збеглых, дзе абмяркоўваў арганізацыю і каардынацыю пратэсных акцый» у Гомелі.

Мужчына на відэа пацвердзіў, што глядзеў зум-канферэнцыі Валерыя Цапкалы, «таму што сам айцішнік», і Вольгі Карач. На пытанне аб палітычных поглядах гамяльчук сказаў, што прытрымліваецца «нейтральнага» пункту гледжання, ні ў якой дзейнасці не ўдзельнічае і ніякую інфармацыю нідзе не чытае.

На затрыманага былі складзеныя два пратаколы па арт. 19.1 (дробнае хуліганства) і 24.3 (непадпарадкаванне законнаму распараджэнню ці патрабаванню службовай асобы). Да суда яго адправілі ў ІЧУ.

Акрамя таго, затрыманаму гамельчуку вынеслі афіцыйнае папярэджанне аб недапушчальнасці занятку экстрэмізмам.



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: