У Гомелі і Магілёве «замініравалі» больш за 10 школ

21 красавіка толькі ў Гомелі прыйшлі паведамленні пра «міны» ў дзесяці школах.


«Зранку патэлефанаваў сын, сказаў, што заняткі адмененыя: школа "замініраваная"», — паведаміла чытачка «Радыё Свабода» пра 21-ю школу Гомеля.

Пасля прыйшлі паведамленні пра такія ж надзвычайныя сітуацыі ў школах №№ 1, 8, 9, 15, 49, 57, 59, 62, 72.

У Магілёве сапёрна-піратэхнічную машыну заўважылі каля школы №41. Потым стала вядома, што такія паведамленні атрымалі яшчэ некалькі навучальных устаноў.

«У 46-й школе праз унутраную сувязь загадалі ўсім пакінуць будынак», — расказалі чытачы.

У Гомелі падобныя лісты на электронную пошту школ пачалі атрымліваць з 28 лютага. «Мініравалі», як правіла, па некалькі школ бліжэй да вечара.

Супрацоўнікі школ у Цэнтральным раёне Гомеля паскардзіліся «Свабодзе», што праз «мініраванні» іх выклікалі начамі ў школы, там працавалі сапёры і іншыя спецыялісты, а адміністрацыя школ мусіла ноч там сядзець і потым яшчэ запаўняць неабходныя дакументы.

Следчыя пачалі крымінальныя справы за гэтыя «заведама ілжывыя паведамленні».



Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: