У Гомлі напярэдадні пратэсту супраць інтэграцыі вывешвалі бел-чырвона-белы сцяг

Удзень 20 снежня гомельцы заўважылі нацыянальны бел-чырвона-белы сцяг на даху 16-павярховага дому на вуліцы Інтэрнацыяльнай. Пра гэта паведамляе Радыё Свабода.
Гмах знаходзіцца ля вялікай транспартнай развязкі побач з прыпынкам грамадзкага транспарту «Завод вымяральных прыладаў» — уезду ў Цэнтральны раён з Савецкага і Навабеліцкага раёнаў Гомля.

Невядомы вывесіў сцяг у дзень сустрэчы Аляксандра Лукашэнкі з Уладзімірам Пуціным і напярэдадні акцыі ў Мінску супраць паглыбленай інтэграцыі Беларусі і Расіі.

У другой палове дня ля пад’езду, з боку якога лунаў сцяг, з'явіліся супрацоўнікі міліцыі і камунальных службаў.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: