У ГУУС распавялі сваю версію затрымання ў метро маладога чалавека (відэа)

У выхадныя ў інтэрнэце з'явілася відэа, на якім некалькі супрацоўнікаў міліцыі жорстка затрымлівалі маладога чалавека. У ГУУС Мінгарвыканкама расказалі і паказалі сваю версію падзей.

27 мая ў 01:16 хвілін у ахову сталічнага метрапалітэна паступіла інфармацыя аб хуліганскіх паводзінах маладога чалавека на станцыі метро «Кастрычніцкая». Па ўсіх прыкметах той быў у стане алкагольнага ап'янення: неадэкватныя паводзіны, хісткая паходка, у навакольным становішчы арыентаваўся слаба.

Міліцыянт спыніў маладога чалавека, прадставіўся і папрасіў пакінуць метрапалітэн, бо праезд у метро ў стане алкагольнага ап'янення забаронены.

Яны падняліся ў вестыбюль, аднак пакінуць станцыю мужчына катэгарычна адмовіўся, нягледзячы на ​​неаднаразовыя законныя патрабаванні міліцыянта.

«Пры спробе адвесці парушальніка ў пакой міліцыі для разбору той аказаў актыўны фізычны супраціў, прычыніўшы міліцыянту цялесныя пашкоджанні — закрыты пералом касцей носа», — распавялі ў міліцыі.

Там таксама адзначылі, што кроў на падлозе з нашумелага відэароліка, якую прынялі за кроў маладога чалавека, ішла з носа пацярпелага супрацоўніка.

Асцярожна, ненарматыўная лексіка!


Пры дапамозе супрацоўнікаў службы бяспекі ГП «Мінскі метрапалітэн» і бліжэйшага міліцэйскага нараду правапарушальнік быў затрыманы і дастаўлены ў пакой міліцыі, а затым у аддзяленне таксікалогіі бальніцы хуткай медыцынскай дапамогі. Першапачаткова яму быў пастаўлены дыягназ «алкагольнае ап'яненне, наркатычнае атручэнне», затым удакладняючы — «алкагольнае атручэнне».

У дачыненні да затрыманага Следчы камітэт узбудзіў крымінальную справу па артыкуле 364 (Гвалт альбо пагроза ўжывання гвалту ў дачыненні да супрацоўніка органаў унутраных спраў) КК Беларусі.

У ГУУС таксама распавялі, што 19-гадовы затрыманы — ураджэнец Мінска, раней неаднаразова прыцягваўся да адміністрацыйнай адказнасці: за дробнае хуліганства, распіванне спіртных напояў / знаходжанне ў нецвярозым стане ў грамадскім месцы, дробны крадзеж, парушэнне абавязкаў па воінскім уліку. У лютым гэтага года суд Фрунзенскага раёна г. Мінска асудзіў яго на 240 гадзін грамадскіх прац за крадзеж (па ч.1 арт. 205 КК). Малады чалавек знаходзіцца на ўліку ў крымінальна-выканаўчай інспекцыі.

Паводле tut.by


Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: