У Магілёве міліцэйскі УАЗ не саступіў дарогу «Опелю»

Міліцэйскі УАЗ і "Опель" сутыкнуліся ў Магілёве 30 ліпеня, паведамляе Еўрарадыё
Аварыя ў Магілёве / Прэс-служба МУС 

Аварыя ў Магілёве / Прэс-служба МУС 

Аварыя адбылася каля 7:30 на вуліцы Макарава, інфармуе БЕЛТА.

УАЗам кіраваў 25-гадовы міліцыянт. За рулём "Опеля" была 35-гадовая магіляўчанка.

На скрыжаванні раўназначных дарог міліцыянт не саступіў дарогу "Опелю". На кіроўцу міліцэйскай машыны склалі адміністрацыйны пратакол за парушэнне правілаў манеўравання альбо праезду скрыжаванняў. Праўда і кіроўцы "Опеля" проста так з'ехаць не ўдалося: на яе склалі пратакол за кіраванне транспартным сродкам, на які не выдадзены дазвол на допуск да ўдзелу ў дарожным руху альбо які не зарэгістравана ў вызначаным парадку.

Пры ДТЗ ніхто не пацярпеў, але аўтамабілі атрымалі механічныя пашкоджанні. Паведамляецца, што абодва кіроўцы былі цвярозыя.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: