У Мінску будуць штрафаваць за «эканомію» электраэнергіі

Неўзабаве ў Правілы добраўпарадкавання Мінску будуць унесеныя змены.

У іх будзе запісаны абавязак уключаць архітэктурную падсветку паводле графіку, вызначанага «Мінгарсвятлом» і адміністрацыямі сталічных раёнаў.

«Пры неўключэнні будзем штрафаваць уласнікаў будынкаў. У нас ёсць патрабаванне, каб горад выглядаў прывабна», — патлумачыў дзяржаўнаму інфармагенцтву belta.by намеснік старшыні Мінгарвыканкаму Віктар Лапцеў. 

Асаблівую ўвагу ў 2018 годзе плануецца надаць падсвятленню праспекта Незалежнасці, вуліцы Макаёнка, Партызанскага праспекта, а таксама вуліцам каля стадыёна «Дынама».

belsat.eu

Хочаце ведаць больш? Сачыце за нашымі публікацыямі ў Telegram і Facebook!