У Мінску міліцыя ўжыла супраць пратэстоўцаў святлашумавыя гранаты і гумовыя кулі. Ёсць пацярпелыя (відэа)

Сілавікі разганялі пратэстоўцаў, якія падышлі да Палацу незалежнасці, святашумавымі гранатамі. Вядома пра пацярпелых, паведамляе «Свабода».

Адразу ў некалькіх месцах на вуліцы Арлоўскай у Мінску былі чутны выбухі.



Міліцыя выставіла кардон каля будынку Цэнтральнага РУУС. Калі прастэстоўцы паспрабавалі яго абысці, але іх закідалі святлашумавымі гранатамі.


Карэспандэнт «Нашай Нівы» перадае з месца пра аднаго пацярпелага, якому ашкепкамі гранаты пашкодзіла нагу. Яму дапамаглі выйсці з небяспечнай зоны.

Проста пад нагамі дзяўчыны выбухнула іншая граната. Пра яе стан пакуль нічога невядома. Выбухамі пашкоджанае шкло ў жылым доме.


Таксама моцныя выбухі і яркія ўспышкі каля Рэспубліканскага навукова-практычнага цэнтру «Маці і дзіця». Людзі разбягаюцца па бліжэйшых дварах, іх пераследуюць экіпаваныя сілавікі.

Сведкі паведамляюць, што невядомыя ў балаклавах кінулі з мікрааўтобусу проста ў калону людзей невядомы снарад. Ён не выбухнуў, а толькі задыміўся.

Карэспандэнт расійскай «Новой газеты»​ зафіксаваў выкарыстанне гумовых куль і прынамсі аднаго параненана імі.



У мінскай міліцыі пацвердзілі выкарыстанне святлашумавых гранат, заявіўшы, што спецсродкі былі ўжытыя дзеля «спынення супрацьпраўных дзеянняў» пратэстоўцаў.


Відэа "Белсат"

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: