У Мінску на ўчастку для галасавання затрымалі назіральніка

У першы дзень датэрміновага галасавання супрацоўнікі міліцыі затрымалі на ўчастку для галасавання №52 Кастрычніцкага раёна Мінска назіральніка ад ініцыятывы "Сумленныя людзі" Івана Дубовіка.
Датэрміновае галасаванне. Фота: intex-press.by

Датэрміновае галасаванне. Фота: intex-press.by


Пра гэта паведамляюць "Праваабаронцы за свабодныя выбары".

Паводле папярэдняй інфармацыі, ён быў затрыманы за тое, што падаваў скаргі ад ініцыятывы.

Ён паспеў паведаміць, што яго вязуць у Кастрычніцкі РУУС. Адразу сваякам адмаўляліся прадастаўляць інфармацыю аб яго месцазнаходжанні, але потым падцвердзілі, што Іван Дубовік знаходзіцца ў РУУС Кастрычніцкага раёна Мінска.

Стала вядома, што на яго складаюць пратакол па арт. 23.4 КаАП нібы за супраціўленне супрацоўнікам міліцыі на ўчастку для галасавання.

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: