У Мінску жанчынам забаранілі праводзіць марш супраць хатняга гвалту

Пра гэта паведаміла журналістка Аляксандра Савініч ў Facebook.

Дэманстрацыю арганізоўвала ініцыятыўная група «Маршыруй, дзетка», якая ўзнікла ў мінулым годзе — пасля таго, як Аляксандр Лукашэнка жорстка раскрытыкаваў Канцэпцыю закона аб супрацьдзеянні хатняму гвалту. «Наша задача — зрабіць дыскусію пра закон аб супрацьдзеянні хатняму гвалту адкрытай, а жыццё ў Беларусі камфортней і бяспечней для кожнага і кожнай з нас», — расказваюць пра сябе прадстаўнікі групы.

Ідэя правесці марш у цэнтры Менску ўзнікла крыху менш за год таму, а 13 верасня рабяты з «Маршыруй, дзетка» падалі заяву ў Менгарвыканкам на ўзгадненне. «Калі ўсё будзе добра, у сярэдзіне кастрычніка мы разам з вамі зможам выказаць сваё меркаванне аб праблеме хатняга гвалту і жаночай позве ў нашай краіне на вуліцах горада», — казалі актывісты.

Зараз стала вядома, што дэманстрацыю забаранілі. Чыноўнікі палічылі, што зварот не адпавядае некалькім пунктах закона аб масавых мерапрыемствах. Удзельнікі групы пішуць: «Лістоў у нас яшчэ няма на руках, мы не можам паведаміць падрабязнасці, але на працягу некалькіх дзён усе даведаемся». Са слоў Аляксандры Савініч, актывісты думаюць, што рабіць далей.


Паводле kyky.org

Хочаце ведаць больш? Сачыце за нашымі публікацыямі ў Telegram і Facebook!