У Мінску затрыманая ўдзельніца акцыі 8 верасня Грэта Сабалеўская

Позна вечарам 27 кастрычніка супрацоўнікі сталічнай міліцыі затрымалі Грэту Сабалеўскую, 22-гадовую дзяўчыну, якая запомнілася тым, што пад час акцыі, прымеркаванай да Дня вайсковай славы 8 верасня, трымала на Кастрычніцкай плошчы вялізны бел-чырвона-белы сцяг.
Грэта Сабалеўская нясе бел-чырвона-белы сцяг (у цэнтры). Фота: "Наша Ніва".

Грэта Сабалеўская нясе бел-чырвона-белы сцяг (у цэнтры). Фота: "Наша Ніва".



Пра затрыманне паведаміла ўначы Марына Адамовіч:

«Грэта Сабалеўская напісала сябру "Меня задерживает милиция", пасля чаго перастала выходзіць на сувязь. Грэта — тая самая мініятурная дзяўчынка з зялёнымі (на той момант) валасамі, якая 8-га верасня была сярод тых, хто нёс сцяг, а потым была затрыманая міліцыяй. Існуе верагоднасць, што яе затрымалі прэвентыўна, перад днём памяці «расстраляных паэтаў». Грэта нядаўна жыве ў Беларусі і мае няшмат блізкіх тут. У такім выпадку асабліва неабходная падтрымка, таму прашу рэпосту».

На акцыі 8 верасня Сабалеўская, разам з некалькімі іншымі ўдзельнікамі, трымала вялікі бел-чырвона-белы сцяг, а пазней была затрыманая на плошчы Якуба Коласа для праверкі дакументаў.

14 верасня яна атрымала выклік у Цэнтральны РУУС Мінска на 14 гадзін, для складання пратакола адміністратыўнага правапарушэння па арт. 23.34 ч.1 КаАП — «парушэнне парадку арганізацыі і правядзення масавых мерапрыемстваў». Аднак Грэта праігнаравала запрашэнне.

Паводле ПЦ «Вясна»


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: