У Пінску зноў на плошчу выйшлі людзі

У Пінску пратэстоўцы і праваахоўнікі знайшлі кампраміс.
Акцыя ў Пінску

Акцыя ў Пінску

Пасля таго, як АМАП затрымаў чальца Партыі БНФ Алеся Рамановіча, грамадскіх актывістаў Ігара Салаўя і Дзмітрыя Тарасюка, людзі запатрабавалі іх вызваліць альбо затрымаць усіх.

Удзельнікі акцыі паабяцалі начальніку Пінскага ГАУСа, што тады не разыйдуцца і будуць ночыць на плошчы. Пасля гэтага, праваахоўнікі выпусцілі Алеся Рамановіча і Ігара Салаўя, а Дзмітрыя Тарасюка пакінулі ў аўтазаку, бо ў яго не было пры сябе аніякіх дакументаў. Тады людзі прапанавалі, каб з Тарасюком паехала два прадстаўніка пінскай Плошчы і пасля высвятлення асобы, яго адпусцяць пад словы дэлегатаў пінскай Плошчы. Міліцыя на гэта пагадзілася. Таксама аднаму з удзельнікаў стала кепска і яму выклікалі хуткую. У суправаджэнні з ім паехала два праваахоўніка.

Людзі разыйшліся, начальнік Пінскага ГАУСа Валерый Сарочанка паабяцаў, што ніякага пераследу больш не будзе.

Агулам на плошчу выйшла каля 60 чалавек.

Паводле «Радыё Рацыя»

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!