У снежні на БелАЭС плануюць прывезці ядзернае паліва

Пра гэта БЕЛТА паведаміў намеснік дырэктара прадстаўніцтва АТ інжынірынгавая кампанія "Атамбудэкспарт" у Беларусі Віктар Брыч.
«Сёння будаўніцтва БелАЭС ідзе дынамічна. Завоз ядзернага паліва плануем ў снежні гэтага года. Увод БелАЭС будзе праведзены ў вызначаныя ў адпаведнасці з кантрактам тэрміны», — сказаў Віктар Брыч.

Беларуская АЭС будуецца па расійскім праекце з рэактарамі ВВЭР-1200 блізу Астраўца (Гродзенская вобласць). Першы энергаблок плануецца ўвесці ў эксплуатацыю у 2019 годзе, другі — у 2020 годзе.

Нагадаем, у жніўні гэтага года паведамлялася, што ядзернае паліва на Беларускую АЭС плануюць прывезці ўжо ў лістападзе, аднак пазней тэрміны, мабыць, былі крыху ссунуты.


Паводле onliner.by

Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • Віктар
  • 2018-10-09 19:56:27
Спадзяюся, што гэтага не адбудзецца! БелАЭС - гэта другі "Чарнобыль"!

Больш цікавага на «Новым Часе»: