Patryjoty 1200 100 2e1c7308a3a48a13db21bf292e831989ae0299303b01379966627b13afde24a1

У сувязі з гібеллю салдата ў Печах патрабуюць адстаўкі міністра абароны

У інтэрнэце з'явілася петыцыя за адстаўку міністра абароны Беларусі Андрэя Раўкова. Пад петыцыяй на сайце zvarot.by на 17-ю гадзіну падпісалася ўжо каля 500 чалавек.
Таксама аўтары петыцыі патрабуюць ад Мінабароны публічнай прававой ацэнкі трагедыі з салдатам Аляксандрам Коржычам, якога знайшлі павешаным 3 кастрычніка.

Як паведамлялася раней, сваякі і сябры паведамляюць пра факты здзекаў з Коржыча ў вайсковай часці ў Печах. Таксама маці паведаміла, што на знойдзеным целе салдата былі сінякі, а сам ён нібыта распавядаў, як у яго адбіралі грошы.


Паводле euroradio.fm

Каментаваць