У «Віцебскіх Курапатах» маліліся за забітых

У Хайсах пад Віцебскам адбылася малітва за расстраляных беларусаў.

У канцы 30-х гадоў ХХ стагоддзя НКУС праводзіў тут масавыя расстрэлы, што стала яшчэ адным буйным злачынствам савецкай улады.


Першыя, каля двухсот, знойдзены 52-м пошукавым батальёнам, былі пахаваныя ў брацкай магіле на станцыі „Лужасна”, як расстраляныя падчас вайны нямецкімі войскамі, хаця ўсе сведкі тых расстрэлаў кажуць, што іх здзяйснялі савецкія органы.

Старшыня ініцыятывы „Хайсы — віцебскія Курапаты” Ян Дзяржаўцаў распавёў пра малебен:

— Пагадзіўся ўніяцкі святар айцец Зміцер Грышан. З’ездзілі туды, памаліліся, усклалі кветкі, запалілі знічкі. Будзем ушаноўваць, ставіць крыжы, будзем рабіць мемарыял.

Нядаўна ў Хайсах пабывалі чорныя капальнікі, якія выкапалі некалькі ямаў у лесе. Былі знойдзены парэшткі целаў вялікай колькасці людзей. Усяго, па ацэнках гісторыкаў, у лесе пад Віцебскам савецкімі карнымі органамі былі расстраляны каля 7 тысяч чалавек.

Беларускае Радыё Рацыя




Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: