У выніку аварыі ў Курапатах пашкодзілі агароджу і металічны крыж

У выніку дарожна-транспартнага здарэння каля народнага мемарыялу ахвярам сталінскіх рэпрэсіяў у Курапатах пашкоджаны металічны крыж, пастаўлены актывістамі, а таксама сеткавая агароджа, зробленая камунальнымі службамі, паведамляе «Свабода».

Пашкоджаны крыж у Курапатах


Паводле ініцыятара курапацкай вахты Паўла Севярынца, ДТЗ адбылося з боку пасёлку Сонечнага, аўтамабіль з праезнай часткі вынесла проста на ахоўную зону. У выніку быў збіты крыж, паламаная агароджа і засталася баразна на ўзгорку.

Абставінаў аварыі Дзяржаўтаінспекцыя не паведамляе, легкавік пазней быў вывезены эвакуатарам. Актывісты вырашаюць, якім чынам будуць аднаўляцца пашкоджаныя элементы мемарыялу.

 

Пашкоджаны крыж у Курапатах 

Як сказаў Свабодзе адказны сакратар Кансерватыўна-хрысціянскай партыі БНФ Алесь Чахольскі, згодна з заканадаўствам, кампенсаваць выдаткі мусіць вінаваты ў здарэнні.

Агароджа — гэта прэрагатыва Бараўлянскага лясгасу. А вось крыж фактычна патрабуе замены, бо ў аснове ён вывернуты і ў такім выглядзе вяртанне на месца не ўяўляецца магчымым.

Па словах палітыка, гэта нагода запатрабаваць ад уладаў вярнуць 24 крыжы, экспрапрыяваныя камунальнікамі пад выглядам «добраўпарадкавання» тэрыторыі.

 


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: