У Жодзіна на пратэст выйшлі школьнікі

Дзеці старэйшых класаў з гімназіі № 1 у Жодзіне сабраліся сёння днём на ганку, каб выказаць свой пратэст, піша rebenok.by


Хлопцы трымалі ў руках БЧБ-сцягі і плакаты. Праўда, пратэст быў нядоўгім: да дзяцей выйшлі прадстаўнікі адміністрацыі і папрасілі вярнуцца да заняткаў, што хлопцы і зрабілі.

Відавочцы паведамляюць, што ў школу таксама прыязджалі супрацоўнікі міліцыі, але пацвердзіць гэтую інфармацыю журналістам не ўдалося.

Па словах Аляксандра, папы аднаго з вучняў, дзеці арганізавалі акцыю пратэсту самі — праз групу ў тэлеграме. Выйшлі на вуліцу са сцягамі на перапынку каля 13.30. Дзяцей падтрымалі некалькі настаўнікаў.

— Адна настаўніца нават сказала, што гатовая кожны дзень выходзіць, таму што ёй усё роўна хутка на пенсію, хай звальняюць.

Вельмі хутка на размову да дзяцей выйшлі ваенрук і некалькі завучаў.

— Пачалі з дзецьмі размаўляць, тлумачыць сітуацыю — распавядае мама вучня. — Наколькі я ведаю, дзеці проста ўсталі і сышлі.

Работнік школы сцвярджае, што пасля таго, як хлопцы вярнуліся на заняткі, да школы пад'ехала міліцыя — "чалавек пяць-шэсць".

Але дырэктар гімназіі Генадзь Коршун гэтую інфармацыю не пацвярджае. Паводле яго слоў, дзяцей «справакавалі», ніякай акцыі ў школе не было.

—- Дзеці выйшлі, а староннія людзі прапанавалі ім сфатаграфавацца.

— Што значыць староннія людзі?

— Там староннія людзі стаяць са сцягамі. Што за яны, будзем высвятляць. Але гэта не нашы гімназісты.


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: