У Беларусі чарга тых, хто мае патрэбу ў жыллі, паменшылася на 35,6 тысячы

На ўліку тых, хто мае патрэбу ў паляпшэнні жыллёвых умоў, у канцы 2012 года было 813,6 тысячы грамадзян (сем'яў), што на 35,6 тысячы менш, чым на канец 2011 года. Пра гэта паведамілі ў Нацыянальным статыстычным камітэце.



368,3 тысячы тых, хто мае патрэбу, — маладыя сем'і (45,3%), 22,3 тысячы — шматдзетныя сем'і (2,7%), 19,8 тысячы — грамадзяне, якія маюць права на атрыманне жылых памяшканняў сацкарыстання (2,4 %).

На канец 2012 года 165,1 тысячы грамадзян (20,3%) стаяць на ўліку дзесяць гадоў і больш. 131,7 тысячы (16,2%) пражываюць у інтэрнатах, 14,9 тысячы (1,8%) — у кватэрах, занятых некалькімі наймальнікамі, 2 тысячы (0,2%) — у дамах, прызнаных непрыдатнымі для пражывання.

У параўнанні з 2011 годам колькасць тых, хто стаіць на ўліку дзесяць гадоў і больш, зменшылася на 13,7 тысячы (7,6%), хто пражывае ў інтэрнатах — на 4,6 тысячы (3,4%), у кватэрах, занятых некалькімі наймальнікамі, — на 1,1 тысячы (7%).

У 2012 годзе атрымалі жыллё і палепшылі жыллёвыя ўмовы 39,2 тысячы тых, хто меў патрэбу (4,6% супраць 5,6% у 2011 годзе). Сярод іх 18,9 тысячы маладых сем'яў, 3,4 тысячы шматдзетных сем'яў, 2,7 тысячы грамадзян (сем'яў), якія маюць права на атрыманне жылых памяшканняў сацыяльнага карыстання.

telegraf.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: