У Беларусі пачалі прымаць дакументы на цэнтралізаванае тэставанне

На асноўны дзень дакументы прымаюць з 2 мая па 1 чэрвеня. Для ўдзелу ў ЦТ у рэзервовы дзень абітурыенты змогуць зарэгістравацца з 27 чэрвеня па 1 ліпеня.



«Не з’явіцца на тэст абітурыент можа выключна па ўважлівай прычыне. У гэтым выпадку здаць прапушчаны экзамен можна будзе ў рэзервовы дзень», — паведаміў міністр адукацыі Беларусі Сяргей Маскевіч, перадае БЕЛТА.

Графік правядзення цэнтралізаванага тэставання, спіс устаноў адукацыі, якія ажыццяўляюць прыём дакументаў, а таксама арганізуюць правядзенне выпрабаванняў, зацверджаны пастановай Міністэрства адукацыі ад 9 красавіка.

ГРАФІК ПРАВЯДЗЕННЯ ЦТ

Усе тэсты пачынаюцца ў 11.00.

14 чэрвеня — беларуская мова

15 чэрвеня — руская мова

17 чэрвеня — грамадазнаўства

19 чэрвеня — біялогія

20 чэрвеня — матэматыка

22 чэрвеня — гісторыя Беларусі

23 чэрвеня — хімія

24 чэрвеня — фізіка

25 чэрвеня — сусветная гісторыя найноўшага часу

27 чэрвеня — замежныя мовы

28 чэрвеня — геаграфія

Рэзервовы дзень — 5 ліпеня ( субота).

У абласцях для ўдзелу ў ЦТ у рэзервовы дзень неабходна будзе прайсці рэгістрацыю ў адным з ВНУ — Беларускім дзяржаўным універсітэце, Беларуска-Расійскім універсітэце, Брэсцкім дзяржаўным тэхнічным універсітэце, Гродзенскім дзяржаўным універсітэце імя Я.Купалы, Віцебскім дзяржаўным тэхналагічным універсітэце або Гомельскім дзяржаўным тэхнічным універсітэце імя П.В.Сухога.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: