У Магілёве ператрус у офісе аддзялення ПЦ "Вясна"

Пачаўся агляд памяшкання на офісе Магілёўскага абласнога аддзялення Праваабарончага цэнтра "Вясна". 



Агляд офіса праводзіцца ў межах крымінальнай справы паводле артыкула 188 Крымінальнага кодэксу РБ за "паклёп у публічным выступе, або ў сродках масавай інфармацыі".

Нагадаем, сёння раніцай  ў Магілёве да намесніка старшыні БСДП і рэдактара сайта  "Наш Магілёў" Ігара Барысава міліцыянты прыйшлі з вобшукам.

Стала вядома, што ў ходзе ператрусу міліцыя канфіскавала 3 кампутары, мадэм і нататнікі Ігара. Пасля ператрусу і агляду памяшкання супрацоўнікі міліцыі правялі апытанне Ігара Барысава.

Ператрус праводзіўся ў межах крымінальнай справы, заведзенай па частцы 2 артыкула 188 КК РБ: “Паклёп, які ўтрымліваецца ў публічным выступе, альбо ў друкаваным ці публічна дэманстраваным творы, альбо ў сродках масавай інфармацыі, альбо злучаны з абвінавачваннем у здзяйсненні цяжкага ці асабліва цяжкага злачынства, - караецца штрафам, або папраўчымі работамі на тэрмін да двух гадоў, або арыштам на тэрмін да шасці месяцаў, ці абмежаваньнем волі на тэрмін да трох гадоў".

Паводле spring96.org

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Грамадства: галоўнае

Больш цікавага на «Новым Часе»: