У падтрымку кнігарні “Логвінаў” мастакі выстаўляюць свае творы на анлайн-аўкцыён

Ад 25 лютага стартаваў мастацкі анлайн-аўкцыён у падтрымку кнігарні “Логвінаў”. Усе сабраныя сродкі будуць пералічвацца непасрэдна на дабрачынны рахунак кнігарні. 



Правядзенне аўкцыёна ініцыявала польская мастачка Цэліна Кануннікава (Celina Kanunnikava).  “Аўкцыён неабходны, бо людзі мастацтва мусяць быць салідарнымі. Нельга чакаць, пакуль сітуацыя сама наладзіцца, ад сядзення на канапе нічога не зменіцца. Ідэя простая: кожны робіць што можа, каб дапамагчы. Мастакі могуць ахвяраваць свае творы, што я і прапаную зрабіць”, — кажа Цэліна. 
 
 
Як высветлілася, ідэя лётала ў паветры і на яе адразу ж адгукнуліся і беларускія мастакі Руслан Вашкевіч, Артур Клінаў, Уладзімір Цэслер, Міхаіл Гулін, Алесь Кудрашоў, Алесь Пушкін, Андрэй Анро, Яўген Шадко ды іншыя. 
 
 
Завершыцца аўкцыён 3 сакавіка. Ён разлічаны не толькі на беларускую аўдыторыю, але і на міжнародную супольнасць. Пачатковыя кошты лотаў называлі самі аўтары працаў. Мінімальны “крок” складае 10 долараў, максімальны нічым не абмежаваны. 
 
 
За навінамі аўкцыёну можна сачыць на старонцы кампаніі savelohvinau
 
 
Інфармацыя naviny.by
 
 

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: