Гэта быў ужо трэці арышт Юрыя Корзуна. За кратамі ён правёў больш як 60 дзён. Апошні раз шахцёра затрымалі 11 лютага каля ягонага дому. Падставай стала відэа прабежкі ў лесе, якой страйкоўцы «Беларуськалію» вырашылі падтрымаць рэпрэсаваных. Гэта палічылі за правапарушэнне па артыкуле 23.34. Шахцёра арыштавалі на 15 содняў.
У ІЧУ Любанскага раёну ён наважыўся на галадаванне, але скончыў яго праз тыдзень, бо ўмовы ў камеры не дазвалялі цягнуць больш: не было медычнага кантролю, усе суседзі ў памяшканні 3 на 3 метры палілі, а цяпла было не больш як 10-12 градусаў. Адчуўшы дрэнныя сімптомы, Корзун вырашыў спыніцца.
Шахцёр лічыць, што гэткімі захадамі ўлады выціскаюць яго з краіны. Але эміграваць ён не збіраецца.
