Удзельнікам затрыманай у Мінску экскурсіі прысудзілі содні і штрафы

У нядзелю 31 студзеня ў Мінску затрымалі цэлую экскурсійную групу. Экскурсія пачалася на плошчы Свабоды, а скончылася на Акрэсціна, куды яе ўдзельнікаў даставілі міліцыянты.
Ілюстрацыйнае фота, аўтар Дзмітрый Дзмітрыеў

Ілюстрацыйнае фота, аўтар Дзмітрый Дзмітрыеў

Справы ўдзельнікаў і ўдзельніц экскурсіі па праспекце Незалежнасці разглядалі ў судзе Фрунзенскага раёна 1 лютага, распавядае тэлеграм-канал Вясна назірае.

На судзе экскурсаводка Аксана Манкевіч сваю віну па арт. 23.34 КаАП ва ўдзеле ў масавым мерапрыемстве не прызнала і хадайнічала пра запыт відэа з камер назірання, каб даказаць, што яна вяла экскурсію. Суддзя Наталля Бугук адхіліла гэтае хадайніцтва. Аксана распавяла, што яшчэ ў пачатку экскурсіі на пр. Незалежнасці з'явіліся бусы і затрымалі 7 чалавек з экскурсіі. Суддзя Бугук прызнала Манкевіч вінаватай і асудзіла на 15 содняў.

Яшчэ адну ўдзельніцу экскурсіі Юлію Бажкову суддзя Бугук аштрафавала на 870 рублёў, таму што ў Юлі ёсць 11-гадовае дзіця.

Юрыстка Кацярына Бяссонава гэтак жа хадайнічала аб запыце відэа з камер назірання, але ёй таксама было адмоўлена. Суддзя Бугук зачытала пісьмовыя матэрыялы справы, у якіх былі скрыншоты з "заклікамі ва ўдзеле рэпітыцыйнага маршу перад ВНС". Юлія абурылася і спытала, як гэта тычыцца яе затрымання, на што суддзя адказала, што "тут толькі суд можа задаваць пытанні". Скрыншоты з "заклікамі" прыклалі да справаў усіх удзельнікаў экскурсіі. У выніку Бяссонава адправілася на 15 содняў па рашэнні суда.

Хочаце ведаць больш? Сачыце за нашымі публікацыямі ў Telegram і Facebook!

  • Апошняе на сайце
,

Больш цікавага на «Новым Часе»: