Улады «не заўважылі» прапанову БХД абмежаваць продаж алкаголю на запраўках

Прадстаўнікі Беларускай хрысціянскай дэмакратыі месяц таму на сустрэчы з міністрам аховы здароўя перадалі яму каля 2,5 тыс. подпісаў у падтрымку заканадаўчых прапаноў БХД па рэгуляванні продажу алкаголю ў краіне. 
Вольга Кавалькова. Здымак «Радыё Свабода»

Вольга Кавалькова. Здымак «Радыё Свабода»


Нягледзячы на атрыманне адказу, адно з узнятых пытанняў — продаж алкаголю на аўтазаправачных станцыях — так і засталося без адказу.

Няма на яго адказу і з Міністэрства антыманапольнага рэгулявання і гандлю, куды таксама былі перададзеныя подпісы.

«У сваіх адказах ні МАРГ, ні Мінаховыздароўя не звярнулі ўвагі на нашу прапанову адмяніць продаж алкаголю на АЗС. Мы лічым, што гэта зроблена наўмысна, каб абараніць запраўкі. Але ў развітых краінах алкаголь не прадаецца на запраўках. І мы патрабуем адрэагаваць на гэты пункт, таму зараз рыхтуем новы зварот, бо 2,5 тыс. чалавек, якія падтрымалі гэту прапанову, адказу на яе так і не пачулі»,—- адзначыла кіраўнік кампаніі «Абаронім нашых дзяцей ад алкаголю» Вольга Кавалькова.


Паводле прэс-рэлізу

Хочаце ведаць больш? Сачыце за нашымі публікацыямі ў Telegram і Facebook!

Больш цікавага на «Новым Часе»: