Усё паводле Арыстафана: у Брэсце ўздоўж праспекту сталі некалькі тысяч «святлан ціханоўскіх» (фота)

Адну з самых маштабных акцый апошніх дзён зладзілі ў Брэсце 13 жніўня выключна жанчыны. У вопратцы светлых колераў, з белымі балонікамі, кветкамі ды стужкамі ў руках, яны ўтварылі гіганцкую сцяну ўздоўж усяго праспекта Машэрава (каля двух кіламетраў).

Фота: Яўген Бяласін

Фота: Яўген Бяласін

Светлыя колеры аздобы гэтай мірнай акцыі і яе жаночы склад недвухсэнсоўна ўказвалі на салідарнасць з вывезенай за мяжу Беларусі Святланай Ціханоўскай, якую шмат хто лічыць пераможцай у мінулых прэзідэнцкіх выбарах, а таксама на тое, што кожная ўдзельніца ідэнтыфікуе сябе з Ціханоўскай. Такім чынам, маем у Брэсце сёння некалькі тысяч святлан ціханоўскіх.

Да акцыі далучаліся і некаторыя мужчыны. Натуральна, ніхто іх не адпрэчваў. Казалі, аднак, што мужчыны выйдуць вечарам, як і штодня.

Міліцыі, у адрозненне ад учорашняга вечара, не было. Толькі праз паўгадзіны з боку аддаленага (10 кіламетраў) Маскоўскага РАУС праімчала на чырвоныя святлафоры так званая “канторка” — аўтамабіль УАЗ Patriot.

Відавочна, што пратэстоўцы мяняюць тактыку, і “сілавікам” давядзецца працаваць на змор. Але найперш ім прыйдзецца адказаць сабе на пытанне, якога народа яны патрыёты. Бо сёння цэнтр Брэсту запоўнілі ніякія не прыезджыя і не крымінальнікі, як укідваюць беларускі кіраўнік — афіцыйны “пераможца” — і яго людзі, а абураныя жанчыны.

Усё ж старажытнагрэчаскі камедыёграф Арыстафан — вялікі класік, ягоная п’еса “Лісістрата” нечакана ўвасабляецца ў нас на вачах. Нагадаю, там жанчыны адмовіліся ад мужчын, змушаючы іх спыніць войны.

Подпіс да малюнка (калі не змяняць, подпіс будзе выдалены аўтаматычна)

Подпіс да малюнка (калі не змяняць, подпіс будзе выдалены аўтаматычна)

Адна з жанчын, што ўдзельнічала ў акцыі, наважылася выказацца: “Беларусамі заўсёды патуралі ды іх панукалі. І вось цяпер зноў. Войскі вывелі на ўласны народ! Але мы супраць. Хопіць!”

Фота: Яўген Бяласін


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: