Увесь Мінск гудзіць. Рэвалюцыя надзеі трывае (відэа)

14 ліпеня жыхары многіх гарадоў Беларусі выйшлі на пратэсты супраць нерэгістрацыі кандыдатаў на прэзідэнства. Пратэсты і наступныя затрыманні пачаліся а 18-й і працягваюцца аж да ночы.

Увечары 14 ліпеня цэнтр Мінска сустрэў перакрытым праспектам Незалежнасці, аўтазакі курсуюць узад-уперад, але людзі настроеныя рашуча. Аўтамабілісты сігналяць, людзі апладуюць. Здаецца, што ўвесь Мінск гудзіць – ён паўстаў.




Упершыню з часоў “Плошчы” адчуваецца неверагодная салідарнасць мінакоў. Многія апладуюць, нават жабракі добразычліва падтрымліваюць пратэст, вітаюцца. Ствараецца ўражанне сапраўднай рэвалюцыі.

Па ўсім праспекце гойсае нібы патруль рэвалюцыі – калоны з сотняў раварыстаў. Нават адзіночных раварыстаў вітаюць сігналамі аўтамабілісты.


Людзей не спыняе нават прысутнасць аўтазакаў, якія ўвесь час курсуюць па горадзе. Людзі настроеныя вельмі рашуча, ствараецца ўражанне, што ўвесь народ з табою. Нават мінакі з дзецьмі ветліва пераклікваюцца з пратэстоўцамі.
Аўтазакі лёгка перасоўваюцца па перакрытым Мінску

Аўтазакі лёгка перасоўваюцца па перакрытым Мінску



Пратэсты, трапна названыя “Рэвалюцыяй надзеі”, трываюць. Нават каля апаўночы ў цэнтры чуваць сігналы аўтамабілістаў. Народны дух не зламаць.


Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

  • Апошняе на сайце
,

Больш цікавага на «Новым Часе»: