Віктар Бабарыка застаецца ў СІЗА КДБ

Суд Цэнтральнага раёна Мінска разгледзеў і адхіліў скаргу Віктара Бабарыкі на заключэнне пад варту. Самога Віктара Бабарыку з СІЗА КДБ у суд не дастаўлялі.
 
Фота: Вольга Шукайла, TUT.BY

Фота: Вольга Шукайла, TUT.BY


Пра гэта распавёў TUT.BY адвакат прэтэндэнта Дзмітрый Лаеўскі, які прысутнічаў на пасяджэнні.

Паколькі пасяджэнне праходзіла ў закрытым рэжыме і з адваката ўзятая падпіска аб невыдаванні даных, то абставіны гэтага пасяджэння і матывы судовай пастановы адвакат паведаміць адмовіўся. Пры гэтым абаронца адзначыў, што з боку абароны прадстаўлены значны аб'ём аргументаў у падтрымку скаргі.

— Пастанова суда па скарзе Віктара Бабарыкі бок абароны мае намер абскардзіць у Мінскім гарадскім судзе, — сказаў Лаеўскі.

Акрамя таго, адвакат Лаеўскі звярнуў увагу на тое, што ім на мінулым тыдні праз КДБ таксама была пададзеная скарга на меру стрымання, аднак па стане на дадзены момант гэтая скарга ў суд не паступіла, таму, верагодна, будзе разглядацца асобна.

Паводле news.tut.by

Хочаце ведаць больш? Сачыце за нашымі публікацыямі ў Telegram і Facebook, падпісвайцеся на наш канал у Яндэкс Дзэн!

Больш цікавага на «Новым Часе»: