Віктара Шалкевіча звальняюць з Гродзенскага абласнога тэатру лялек?

Ён дазволіў сабе вальнадумства на канцэрце, якое не спадабалася гродзенскім ідэолагам і кіраўніцтву, паведамляе "Польскае радыё".


Віктар Шалкевіч на канцэрце Фота commons.wikimedia.org/Serge Serebro/CC BY-SA 3.0

Віктар Шалкевіч на канцэрце Фота commons.wikimedia.org/Serge Serebro/CC BY-SA 3.0



Гродзенскі актор, паэт, бард і шоўмен Віктар Шалкевіч звольнены з Гродзенскага абласнога тэатру лялек, дзе быў адным з вядучых актораў. Пра гэта паведаміла на сваім профілі ў адной з сацыяльных сетак «Гарадзенская бібліятэка».

 

Паводле неафіцыйнай інфармацыі, Шалкевіч дазволіў сабе вальнадумства са сцэны на канцэрце ў Горадні 10 чэрвеня, якое не спадабалася гродзенскім ідэолагам і кіраўніцтву.


Аднак у Гродзенскім абласным тэатры лялек, дзе Шалкевіч працуе з 1990 года, інфармацыю пра звальненне абверглі, адзначае "Наша Ніва".


«Віктар неўзабаве ідзе ў адпачынак, бо ў яго запланаваныя свае выступы, але з верасня працягне працу ў тэатры», — запэўніла Марыя Шабашова, дырэктарка тэатра.


Яна падкрэсліла, што чуткі пра звальненне — гэта толькі чуткі.


Сам Віктар Шалкеівч пракаментаваў сітуацыю так: «Я пакуль у адпачынку, а далей будзе бачна. Ва ўсякім выпадку, кантракт у мяне да наступнага года».



Чытайце таксама

Віктар Шалкевіч: інтэлектуал з гітарай


Віктар Шалкевіч нарадзіўся 9 лютага 1959 года ў Поразаве Гродзенскай вобласці.

Скончыў школу ў Поразаве, затым Беларускі дзяржаўны тэатральна-мастацкі інстытут у Мінску (у 1980 годзе). Працаваў у Гродзенскім абласным драматычным тэатры (1980–1987), выкладчыкам у Гродзенскім культасьветвучылішчы (1987–1990). З 1990 года працаваў у тэатры лялек у горадзе на Нёмане.


Хочаце ведаць больш? Сачыце за нашымі публікацыямі ў Telegram і Facebook!

Абмеркаванне:

  • ВР
  • 2016-06-27 16:20:02
А можа, не трэба спяшацца з такімі навінамі? Тут http://nn.by/?c=ar&i=172678 пішуць, што Шалкевіч насамрэч не зволены з тэатра.

Больш цікавага на «Новым Часе»: