ViR-ViR — гадуем моцных і самастойных Беларусаў

Лета-2019 — час, калі беларускія дзеці робяцца больш самастойнымі.

Уявіце сабе — беларускія дзеці сталі самастойнымі. Яны класна працуюць у камандзе. Любяць вучыцца, дзейнічаць, рызыкаваць.

Уявіце, што ўсе праблемы яны разумеюць як задачы, а памылкі толькі заахвочваюць спрабаваць больш.

Уявіце, як яны файна супрацоўнічаюць з меншымі і старэйшымі людзьмі. А вольны час запаўняюць карыснымі заняткамі — самастойна.

А яшчэ — ганарацца беларускай культурай і мовай, лічаць іх сучаснымі, крутымі.

Уявіце, што гэта вашыя дзеці. Дзеці сваякоў, сяброў, суседзяў па дому і вуліцы.

Вядома, што афіцыйная сістэма адукацыі ў Беларусі не дае такога выніку. Няма часу наракаць: група грамадскіх дзеячаў і адначасова беларускамоўных бацькоў запускае праект «ViR-ViR». Напрацягу лета будзе знята 50 відэа-падказак вулічных групавых гульняў.

Групавыя вулічныя гульні — найлепшая форма адукацыі дзяцей.
Яны дапамагаюць развіваць самыя важныя навыкі для жыцця:
— жаданне вучыцца і дзейнічаць самім,
— дамаўляцца і супрацоўнічаць з іншымі.

Падтрымаць ініцыятыву можна тут.

Раней каманда «ViR-ViR» рэалізавалі краўд-кампанію «Вялікая місія маленькай Ядзвігі». Новы праект — працяг працы па беларусізацыі праз дзяцей.

У якасці наступных крокаў каманда «ViR-ViR» бачыць распрацоўку мабільнай праграмы з відэа-падказкамі гульняў і матрыцай навыкаў. Каля 30 відэа плануецца аб'яднаць у тэматычныя блокі — гэта аснова для выдання Дапаможніка па беларускіх традыцыйных гульнях і святах для дзіцячых садкоў.
 
Для выдання дапаможніка ў партнёрстве з Сяржуком Доўгушавым будзе абвешчана краўд-кампанія на Ulej.by.


Хочаце ведаць больш? Сачыце за нашымі публікацыямі ў Telegram і Facebook!